RCom nung sen 149 agi 3GB data, unlimited local aser STD call angutsü

New Delhi, March 10 (Agencies): Reliance Communication ajanga Hokulbarnü sentong tasen ka sayaogo. Iba sentong tasenba nung sen 49 agi recharge asüba ajanga 4G data GB ka angutsü aser sen 140 agi recharge asüba ajanga 3GB data den local aser STD network nung angati jembitsü akoktsü.
Iba sentong tasenba ya ‘Joy of Holi’ indang offer lir aser validity anogo 28 alitsü.
Anil Ambani indang RCom ajanga 3G aser 2G amshirtem asoshi sentong tasen aika sayaogo. Iba sentong tasenba nung sen 99 agi 3G data tanen makai amshitettsü aser iba ama sen 49 agi 2G data tanen makai amshitettsü.
“Shishilembaba tsütsü 3G aser 2G ajanga tajangzük angutsü ajiteter, aser iba ajanga smartphone amshir million 750 kümogo. Iba ajanga sentong tasen yanglushia nüburtem nem agütsür,” ta Reliance Communication nung co-CEO aser RCom indang Consumer Business nung CEO, Gurdeep Singh-i ashi.
Delhi, Mumbai, Kolkata, Himachal Pradesh, Madhya Pradesh, Punjab, Rajasthan aser Jammu & Kashmir state tem nung 3G amshir costumer tasentemi sen 99 agi recharge asüba ajanga 3G data ‘unlimited’ aser sen 20 jenjang jembitsü maongka angutsü, ta RCom ajanga metetdaktsü.
Iba sentong amshia minute ka o jembi nung paise 25 dang adoktsü aser validity anogo 28 asoshi alitsü.
Haryana, Uttar Pradesh, Andhra Pradesh, Gujarat, Maharashtra, Kerala, Karnataka, Tamil Nadu aser Chennai state tem nung 2G costumer tasentemi sen 49 agi recharge asüba nung 2G data ‘unlimited’ amshitettsü aser o jembitsü asoshi senpak 20 angutsü. Sen 49 agi recharge asüba ajanga o jembiba nung minute shia paise 25 aotsü aser validity ya anogo 28 tashi alitsü.
Reliance Jio ajanga angadi jembitsü aser data amshitsü sentong sayaba sülena India nung telecom company temi costumer mesüzüktsü asoshi jenjang tajemba nung sentong balala agütsüba mapang lir.
Mukesh Ambani indang Reliance Jio nung ‘Prime membership’ sentong nung sen 303 agi recharge asüba ajanga 28GB agütsütsü nangzük aser anu maneni 5GB talila akütsüsemtsü sangdongogo.
Post-paid amshirtem nema March 13 nungi tenzüka data tali agütsütsü asoshi Bharti Airtel indang CEO, Gopal Vittal ajanga metetdaktsüogo.