RD ketdangsertemi AAP mapatong kübok densemba yimtsüng kar semdang

Kohima, March 03 (TYO): Commissioner (MGNREGA) & Secretary, Rural Development, Kelei Zeliang-i Annual Action Plan (AAP) mapatong kübok densemba yimtsüng kar tanü, Brihostibar nü semdanga senzüogo.
Kelei-i Kohima Block kübok Kohima yimtsüng aser Jakhama Block kübok Khuzama o Jakhama yimtsüng na semdanga senzüba sülen yimtsüng nung alirtemi AAP mapatong nung latetba ama inyaktsü aser kasaji rongsenketsüng asoshi latetba küm nungsa tembangtsü tuyua liasü.
Ano, parnoki AAP mapatong inyaktsü asoshi lemzüktsüba senotsü tanga mapatong nung mahmshitsü metetdaktsü.
Jakhama yimtsüng nung loktepa inyakba alu ayimba aser ango mesütsü maparen kanga junga inyakba atema pelaba olen ka Kelei-i lemsatepba den külemi, yimtsüng nung alirtemi kasaji rongsen tajangzük angutsüsa inyaktsü ajungshia liasü.
Kelei den külemi, Project Director, Kevipodi Sophie; PO, Sihu Bizo; BDO Jakhama, Khovi Thapru aser BDO Kohima, Aseno Solo nungeri tanü AAP mapatong kübok densemba yimtsüngtemji semdangba osang jangjaogo.