RD nung ‘Nagaland Vision Document’ indang jembi

Dimapur, Jan. 26 (TYO) : Linük ajunga den külemi Brehostibar nü Nagaland nunga 68 buba Republic Day amongba sentong nung Nagaland government-i lanurtem nem mapa inyaktsü angutsüsa training agütsütsü sentong renema lir ta metetdaktsü.
Kasa anogomong sentong Dimapur nung akadang, tongti tesemdanger, Urban Development nung Advisor, Wb.S.I.Jamir-i jembidang, lanurtem taküm raksaa moi linük asoshi tagidak akaba taküm kaka akümtsüsa government-i akok tashi mapa inyak sayutsü aser mapa angutsüsa lenmang lapoktsütsü ta metetdaktsü. Iba nükjidong nung linük inyakyim den tsüngkangmedema terenlok mapa inyaka otettsü asoshi Nagaland Vision 2030 sentong renema lir ta paisa ashi.
Iba sentong nung South East Asia den sendaktepa akümtsü asoshi gari, train aser tayimtsü lenmang yanglutsü asoshi sentong renema lir aser ali telong aser tema nung aliba rongsen amshia alima renlokdaktsütsü sentong yua lir ta S.I.Sungitsa ashi.
Tanü iba sentong nung ‘exhibition stalls cum sale’ liasü aser telok balalai yartsüngsang aser kentenba shilemtem agia liasü.