RD parade atema Arunachal tableau shimogo

Itanagar, Aenjeti/January 3 (Agencies): 70buba Republic Day tableaux parade 2019 koba New Delhi, Rajpath nung January 26 nü akatsü ali, iba nung shilem agitsü atema Arunachal Pradesh tableau shimogo.
Osang ajanga ashiba agi, tableau ya ‘Peace Within’ omen nung ajemdaker shilem agitsü atema shim.
Union Ministry of Defence-i tableaus ajak Mahatma Gandhi dak sendaka yanglutsüla ta tetuyuba agütsüba dak ajemdaker art mongin Dhruba Bhattacharjee aser par teloki tableau renemdar.
Republic Day tableaux parade atema shimtsü asoshi jenjang aika agir.
Committee ka shima state balala nungi tableaus tem sayudaktsütsü asoshi inyaksangshir.
Shimshiba maparen tembangba sülen Union Ministry of Defence-i nüngdakra melenshitsü asoshi tetuyuba agütsütsü.
North East nungi Arunachal Pradesh aser Sikkim indang tableaus dang shima lir.
2017 küm Arunachal Pradesh-i tableau category nung mezüngbuba jenjang nguteta liasü. 2017 küm omenji Yak Dance of Monpas liasü.