Real Madrid coach-i Johan Cruyff manemba aria bilemtsür

Madrid October 24 (Agencies): Real Madrid coach Rafael Benitez-i tang tepokpok cancer puteter alisang, Johan Cruyff yakta taneptsü angutsü asoshi aria bilemba lemsatepba mapang alima nung saisapong telok balala ajaki pa nungittsü ayongzük.
Benitez-i, “Asayar aser coach ka ama Johan Cruyff ya football asayartem asoshi tang aser tarutsü atema kanga tongtibang nisung ka lir,” ta Hokolbar nü ashiba Efe osang ajanga metetdaktsü.
“Asenoki pa asoshi aria bilemtsüa nungitba den külemi tajungba akümtsü asoshi taneptsü meshizüktsütsüla. Pai Barcelona telok anishia liasü saka alima nung saisapong telok ajaki lungjemer pa nungittsü nüngdaker,” ta Benitez-sa ashi.

You must be logged in to post a comment Login