Real Madrid-i goal 4-0 agi Sevilla akok

Madrid, March 21 (Agencies): Cristiano Ronaldo, Gareth Bale aser Karim Benzema nungeri aroki lungjemer kanga junga asayaba ajanga par Real Madrid teloki goal 4-0 agi Sevilla telok madak takok ngua tang tasayadak Champions League asayamong nung yashi, Deobar nü shilem agiogo.
Yashi asaya tenzüker minute 6 buba nung Benzema-i par Madrid telok asoshi 1 buba goal agütsü.
Asaya tenzüker ghonda 1 abensaba sülen Ronaldo aser Bale nati goal kaka agüja par Madrid telok goal 3-0 agi temaba jenjang nung ajungkettsü.
Tesülen, asaya tembangtsü minute 4 anünga alidang Jese Rodriguez-i 4 buba aser takokba goal agüja par Madrid telok nem takok ngudaktsü.
“Tan ama asayaba ajanga ozü teloki takok tulu angutsü imlar,” ta Madrid manager, Zinedine Zidane-ia tesülen metetdaktsü.
Madrid teloki tan takok anguba sülen temaba jenjang nung alir, FC Barcelona telok points 10 agi memenepi lir.
Par teloki Barcelona telok den taruba April ita 2 nü asayatsü lemzüka lir aser idangji, Barcelona teloki asaya 39 buba atonga koka yangluba ken danga tamakok manguba otsü raksatsütsü merangtsü.