Real Madrid-i La Liga nung takok mongutettsü: Zidane

February 28 (Agencies): Honibar nü 1-0 agi Atletico Madrid den tamakok anguba sülen Real Madrid-i La Liga nung takok mongutettsü, ta coach Zinedine Zidane-i ashi.
Antoine Griezmann-i asaya tanabuba tesadang nung ka yokba ajanga Madrid jenjang raksatsüogo.
Iba asaya nung tamakok anguba ajanga Zidane-i coach asüba telok Barcelona dang nungi points 9 agi tajemba kümogo. Barcelona telok ano Deobarnü Sevilla den asayaba kokra point 12 küma maneni temaba jenjang nungsa alitsü.
Arishi küm 43 tain, Zidane-i par telok joko takok angutsü nungi talangka pilaogo ajisüaka asayartemi akhi ama tajungtiba asayatsü, ta ashi.
“Memeteti iba asayamung temogo,” ta France nunger Zidane-i osangbenertem senden ka nung ashi.
“Takok angutsüji kanga temla masü. Ni asayartem dang yashi ang points lalura takok angutsü kanga tasak akümtsü ta shiogo,” ta paisa ashi.
“Ajisüaka onoki kechisüdir süaka iba asayamung melalutsü merangtsü,” ta pa shisem.
Iba match tamakok aliba agi mepelateter ajisüaka ni aser ozü telok asoshi taruba match ji kanga tongtibang süa bilemtsü nüngdak, ta pai ashi.
Zidane-i, “Onoki renemba ama onoki masayatet, ibaji ajanga onok tali meranga sayatsüsa akümer,” ta ashi.