Real teloki Barcelona’er asaya atonga akokba otsü anentsür

Barcelona, April 03 (Agencies): Asayar 10 densemba Real Madrid teloki goal 2-1 agi FC Barcelona telok madak takok ngua yasüng, Honibar aonung asayaba osang jangjaogo.
Real teloki tan Barcelona telok nem tamakok ngudaktsüba ajanga Barcelona teloki asaya 39 tashi atonga akokba otsü anentsür lir.
Yasüng asaya nung Gerard Pique-i 1 buba goal agüja par Barcelona telok temaba jenjang nung ajungkettsü.
Tesülen, asaya tenzüker minute 21 buba nung Real telok captain, Sergio Ramos-i red card temerenshi ngua asayadak nungi tuguadoktsüsa jenjang tamajung ajuru.
Red card temerenshi ngua asayar 10 dang anüng aka, Barcelona asayar Karim Benzema-i par telok asoshi goal 1 agüja par telok anaprongla kasa jenjang kümdaktsüba sülen Cristiano Ronaldo-i tanabuba aser takokba goal agüja par telok nem takok ngudaktsü.
Tan takok anguba sülen 3 buba jenjang nung alir, Real teloki points 7 agi Barcelona telok memenpi lir.