Refrigerator nung chiyungtsü ayuyim

Asenoki fridge nung süngjang lijang aser süngolemba tapu ajak ayur. Ajisüaka item chiyungtsü ajakbo fridge nung mayutsüla kechiba süra item chiyungtsütem ajakbo mokongdaktsütsü tenüngdaktsü madoker. Refrigerator nung ayuba ajanga chiyungtsü karbo tema nung ayuba dang nungi tekaraba raksar.
Refrigerator nung mayula chiyungtsü pongu :-
Somomo : Somomo fridge nung khen ayuba sülen tema nung agiteta ayu yonga akhi ama junga mamentsü.
Pingana : Asenok aikati pingana ya refrigerator nung ayur. Ajisüaka iba chiyungtsü fridge nung mayu tajungba lir. Pingana fridge nung ayuba ajanga iba chiyungtsü dak aliba flavor ajema kümdaktsür.
Apple : Apple refrigerator nung talangka ayuba ajanga pingana mesüka iba chiyungtsü dak aliba texture aser flavour temokong agi samadaktsür. Nai apple mokonger chinüra tachitsü anasa minute 30 shi dang fridge nung yuangma.
Piyas : Piyas fridge nung ayubaji kanga kara raksar kechiba süra fridge nung iba chiyungtsü nüngdakba mopung peria mangur. Ano alo aser piyas na külemi mayutsüla kechiba süra piyas nungi adokba tangola aser tzü agi aloji mela raksadaktsür. Anungji piyas ya mopung peria alidak aser temerük den takong tesem nung ayuba tajungba lir.
Avocados : Somomo ama iba süngjang ya fridge nung ayuba ajanga tamentsü tim mamener.
(Source : Internet)