Refugee tem nem lisopur jenjang magütsütsü: AAPSU

Itanagar, Anjeti 5 (Agencies): Yangtepnü Chakma aser Hajong nunger dak sendakba nung temaba jenjang nung senden ka kaaogo, aser iba mapang nung All Arunachal Pradesh Students’ Union (AAPSU) tir Hawa Bagang-i ashiba agi, Arunachal Pradesh nungertemi Chakmas aser Hajongs nunger dena tanga refugee tem nem lisopur jenjang agütsütsüba nung kodanga hai haora makatsü.
Centre sorkari iba ken o bentettsü asoshi kanga temulung agüja inyakba aitsüba den külemi Bagang-i item refugee temi state nung lisopurtem dak mapa tamajung benshiba lemsatepa liasü.
AAPSU General Secretary Tobom Dai-i, Chakma aser Hajong nunger lenirtem dang Arunachal Pradesh adena or tanga state nung maongka agia lisopur jenjang kangabo tetsükdaktsü makai agizüktsü asoshi shidangogo.
Iba senden ya North East, Union Ministry of Home Affairs, Joint Secretary Satyendra Garg lenisüba kübok aka.
Arunachal Pradesh Home Secretary GS Meena den Chakma aser Hajong nunger lokti nungi teshimtetba purtem aser AAPSU nungi lenirtem iba senden nung aden.