Reliance-i December nung 4G lapoktsü

Mumbai, July 26 (agencies): India nung Reliance Industries Ltd. (RIL)-i bilema aliba 4G mobile-cum-broadband service Jio retail stores 1000 nung taküm December ita nung lapoktsü sentong lir, ta company nung ketdangser tain kati shiogo.
“December ita nung 4G metenzük tsüngda hopta ishika lia onok meyong telecom inyakyim kanga junga tendangmatsü,” ta RIL nung chief financial officer V. Srikanth-i Honibar nü metetdaktsü.
Mukesh Ambani-i aniba company ajanga parnok network amshirtem asoshi lenmang ana lapoktsür. Pei amshinüba oset amshia par network amshitsü mesüra Reliance Digital amshitsü.
“Linük nung onok meyong digital store tem nung smartphone tapu balala ayutsü,” ta Srikanth-isa ashi.
Tang Jio centres 1000 sentong nung enoka aliba ajanga connectivity outlets 500,000 shi adoktsü aser recharge asüdak tesem million ka adoktsü, ta pai ashi.
Alima nung smartphone yanglur Apple, Samsung, Huawei aser Xiaomi company tem den 4G oset aser pocket routers kar lemsatepang, ta Reliance-i sensak semdar.