Reliance Jio-i aser Samsung na senteper 5G mobile connectivity bener arutsü

New Delhi, February 28 (Agencies): Reliance Jio aser Samsung na longjemer India nung 5G connectivity bener arutsü nükjidong nung ‘I&G (Infill & Growth) sentong ka tenzüktsü asoshi Barcelona nung Mobile World Congress 2017 nung lemtetogo.
Iba sentong ajanga linük ajunga nung LTE mobile communication network, tesem timba nung aser service tajungba agütsütsü asoshi merangtsü.
“Jio den ‘LTE solutions partner’ ka ama Samsung-i Jio kanga dang takok ngua inyakba nung teyari agütsütsü asoshi jangra atemer,” ta tir aser Samsung Electronics nung Networks Business nung tekolak Youngky Kim-i ashi.
“LTE-Advanced Pro aser 5G atema Jio den taka amteper sentong tasen ka yanglutsü asoshi merangtsü,” ta Kim-i shisem.
Samsung aser Jio na indang LTE mobile communication project-i 850, 1800 aser 2300MHz band tem amshia inyaktsü, aser Jio-i iba ajanga linük nung nütsüng yongsük shilem 90 nem iba service agütsütsü asoshi imlar.