Reliance Jio-i mobile tower 45,000 amenoktsü

New Delhi, November 2 (Agencies) : Telecom operator Reliance Jio Infocomm-i 4G network tajungba kümdaktsütsü atema taruba ita trok tsüngda mobile towers 45,000 shi enoksemtsü.
“Reliance Jio-i Telecom Minister (Manoj Sinha) den senden ka amendang, taruba ita trok tsüngda mobile tower 45,000 tashi amenoktsü atema tenangzükba agi. Küm 4 atema parnok company-i sen crore lakh 1 enoksemtsü sentong lir” ta sorkar ketdangser kati ashi.
Ajisüaka, iba dak sendakba nung Reliance Jio Infocomm Limited (RJIL)-i osang kecha mesangoktsü.
“Jio-i consumer nem shitak amshidaktsünür saka Airtel, Vodafone aser Idea temi interconnection shitak magütsüba atema parnok network nung jenjang mejungi akümer. Minister (Sinha)-i telecom operators ajak dang parnok tsüngda PoI angatetteptsü tetuyuba agütsüogo” ta osang ka ajanga ashi.
RJIL network nung timtem agütsüba atema Telecom Regulatory Authority of India (Trai)-i Airtel, Vodafone aser Idea Cellular dang sen crore 3,050 senchi achitsü shidanga lir.
Mongulbarnü Trai-i Airtel, Vodafone, Idea Cellular aser Reliance Jio tem jaoka interconnection issue angatetteptsü atema senden ka amen.
Iba senden ya ghonda ana den tali amen aser Bharti Airtel MD & CEO Gopal Vittal, Vodafone India MD & CEO Sunil Sood, Idea MD & CEO Himanshu Kapania aser Reliance Jio Director Mahendra Nahata nungertem aden.