Reliance Jio Prime sentong nung 120GB indang data angadi agütsür

New Delhi, March 24 (Agencies): Reliance Jio ajanga Ka aliang, Ka angati agütsütsü sentong ka sayaba nung sen 303 agi recharge asüba ajanga 5GB data aser sen 499 agi recharge asüba ajanga 10Gb data talila angati agütsür.
Mezüngbo iba sentong ya ita ka asoshi dang liasü, saka iba sentong ya melenshia khen recharge asüba ajanga küm ka tashi amshitettsü.
Jio Prime membership akümba mapang costumer temi sen 303 mesüra 499 agi recharge asüba ajanga anogo 28 tashi data angati amshitsü akoktsü. Ano iba ama sentong tasen ka lir aser iba sentong nung costumer temi sen 3,636 agi recharge asüba ajanga anogo 336 asoshi 60GB data angutsü.
Iba kisüng masü saka Reliance Jio ajanga costumer nem anogo 28 asoshi 28GB+5GB data agütsür. Iba ama sen 5,988 agi recharge asüba ajanga anogo 28 nung 10GB 4G data tali agütsütsü aser ita 12 nung 56GB tali angutsü.
Iba kisüng masü saka costumer temi validity anogo kwika amshinür, iba ama shimteta recharge asütsü akoktsü. Costumer temi sen 2,944 agi recharge asüba ajanga validity ita 6 asütsü aser 10GB data tali angutsü. Sen 2,727 agi recharge asüba ajanga ita 9 tashi amshitettsü aser 5GB data tali angutsü.
Iba sentong tasenba ya amshitsü asoshi March 31 tashi nung Jio Prime membership nung sen 99 agi züluoka ayutsüla.