Renee Zellweger-i la Hollywood nungi pilar aliba kuli metetdaktsü

Los Angeles, June 7 (Agencies) : Actress Renee Zellweger-i küm trok tashi Hollywood nungi pilaa liasü aser lai ashiba agi la kanga anibelemba agi aser project balala tsüngda mapang agütsütsü atema anisüngzük.
2010 nung ‘My Own Love Song’ film adokba sülen Renee-i Hollywood nungi pilaa liasü. Tawa tu la British Vogue indang July adok indang cover nung adok, ta eonline.com ajanga metetdaktsü.
“Taküm nung khen dang ajurutsüba project ka dang ma ta ashitsübaji kanga tasak liasü, saka ni kanga anibelemer liasü aser mapang aginüa liasü” ta Renee-i metetdaktsü.
2000 nungi 2010 tsüngda lai film 20 shi ka nung shilem agi, ta vogue.co.uk ajanga metetdaktsü.
“Ni kü ola agi laktet aser iba jagi ni mapang tatsüka anisüngzüktsüla ta telemtetba agi. Küm trok tashi anisüngzükba mapang ni shingaia memetet aküm aser iba jagi ni meimchir ka ama dang lia aru” ta laisa shisem.
Renee-i tang Bridget Jones’er Baby film nung shilem agir aser iba film ya September 16, 2016 nung sayatsü sentong lir. Iba film nung lai Patrick Dempsey aser Colin Firth na den külemi shilem agir.