Republic Day 2016 atema asemba

Dimapur, January 24 (Agencies): Republic Day 2016 tenüng nung Ministry of Defense-i kilometre 5 asemtepba sentong ayonga agi aser iba sentong ya Kohima nung AK Bhatnagar, Chief Engineer, Project Sewak (BRO)-i acha ayanga liasü.
Nisung 800-i shilem agiba iba asemtepba sentong ya Nagaland chief secretary Pankaj Kumar-i High School Junction nungi tenzüktsü.
Shilem agir ajak nem 15 BRTF-i BRO indang logo keta aliba T- shirts aser caps tem lema agütsü.
Iba asemtepba ya telemsa pongu nungi toktepdakja liasü—arishi küm 15 teküpok, 16 nungi 25 tashi, 26 nungi 40, 40 nungi 50 tashi aser 50 nungi tema.
Telemsa ajak nungi tetsür aser tebur takok angur shia nem senpet sen 10,000 agütsü.
Senpet agütsüba ajak senteper sen lakh ka agüja liasü.
Iba sentong tenzüktsüdang, tongti tesemdanger, Chief Secretary, Government of Nagaland, Pankaj Kumar-i Border Roads Organization dang iba ama sentong tajung ayongba asoshi tenüngsang agutsü aser iba sentong ajanga asen taküm nung tajangzük anguba indang lemsatep.
Commander 15 BRTF Col SP Yadava-i iba sentong nung shilem agir ajak pela agizük aser CE Project Sewak, AK Bhatnager-i tepela o jembi.