Republic Day benjung nung sorkar mapa ajak adentsüla

Dimapur, January 24 (TYO): January 26, 2020 nü Nagaland Civil Secretariat Plaza nung Republic Day benjung amongtsü aser iba sentong nung Nagaland Civil Secretariat nung ketdangsertem aser staff ajak adentsü, ta Principal Secretary Home, Abhijit Sinha, IAS-i metetdaktsü.
Maneni, Administrative Heads of Department ajaki pei pei staff aser ketdangsertem indang attendance agitsü aser ibaji anepdang 11:00 ako tashi nung M. Lisechem Sangtam, Joint Secretary, Home SAB aser Neingulie Krome, Under Secretary, Home SAB na nem agütsütsü mepishir, ta Abhijit Sinha-isa ashi.
Administrative Heads of Department-isa pei pei kübok inyakba ketdangsertem aser staff dang Republic Day benjung adentsü osang sangoktsütsü mepishir, aser kuli tejangja melii madenertem dak ozüng tapet agi merenshitsü, ta Principal Secretary Home-isa metetdaktsüogo.
Iba anogo nung Secretariat Plaza ground nung tongteprateptsü atema:
M. Lisechem Sangtam, Joint Secretary Home SAB (phone no. 9436612567)
Neingulie Krome, Under Secretary, Home SAB (phone no. 7085190545)