Reunion asetkong nung MH370 bushiba maparen tenzükshiogo

Saint Denis De La Reunion, August 9 (Agencies): Indian ocean nung aliba Reunion asetkong, France nung MH370 raksaba oset bushiba maparen Hokolbar nü anena ataba sülen tanü Deobar nü tenzükshiogo, ta yangji aliba ketdangsertemi ashi.
Asetkong nung anüdoklen aliba tzükümlen iba tayimtsü bushirtem telok den ano bushisüngdangba tayimtsü ka nem ina mapa nunglokja lir.
“Navy tembo tzüyim nung tayimtsü raksaba shilem kar angunungdang mapa nungloktsütsü,” ta sorkar sangdong ka ajanga ashi.
Hokolbar nü tzüngsang mopung majungba ajanga iba tayimtsü raksaba shilem bushiba rongtem tzüyim nungi meyipa arüdaktsü.
Tang tashi nung iba mapa asoshi nunglokja aliba tayimtsü jagi square-kilometre 5,300 tashi sema iba tayimtsü raksaba bushiogo.
Iba bushiba mapa ya anasa aliba Mauritius asetkong nunga tenzükogo.