Rev. Alokbai kiyim lanur kibong ka counselling agir

Rev. Alokba : Hai adianu ne kinungtsü nena kati ka den meimtepa jangratema lidar südi ???
Kinungbu : Ayeee… tokorashii la kodang saaker ayazüker aser aonunga kodang kidangi shilanger’ar ni memeter’ar…
Rev.Alokba : Hai adianutsür… tang ne kinungbui ashiba o-ji nai-a hau ta ashir asü mesüra nunga ta ashir ???
Kinungtsü : Hau-ja pai ashibaji shidakdang’ar… saka nibo menur asüyonga kasa anogo nung kidangi shilanger, saka pabo kodang ayazükdir hopta ana-asem kidangi meshilanger aser itasen anguba senpak ka danga kidangi bener marur…. pai par chirtem kechi chiyunger aser school fee kong kechi nungi koda bena arur agütsür ta kecha meshisadanger nung koda….
Kinungbu : Hiii-taii… o-ji nai dang jembitet masü nia jembiteter-ko…. na anepdang saakli yim ki sema tangar nüngsen jembia senzütsü…. arogoi Home Evangelist ya na shim asü koda ??? Home Evangelist-ibo küm piyong nung kibong nai sema jajaba amaibo adoksaa mejajatettsü südi-kor…. ajiser na amai azümesen tetsür telok ayongteper kechi kechi Selp Help Group-a ta anogo piyong town nung pakzüa senzüteper… ozü kidangi kecha loan sentsüh bener taruma noo…
Rev.Alokba : Ni o kar shidi… nenapronglai angaa liang… nena kati ka maitsütepi nenaprong tanü nungi melenshiang… nena kati ka den toktepdang ner jala jabasotem kanga ala-ashidaktsür aser anak-aoyi amai kümadokdagiji ngudar südi ??? Anungji tanü nungi kinungbui itasen shidak kidangi bener arung aser kinungtsüi-a kinungbui kechi bener arur, aji agi tenük sünger kidang menur tanur anepalua repranga liangma….

Lilir : L. Kika Pongener. Aoyimküm, Dimapur