
Dimapur, January 11 (TYO) : Longjang Baptist Arogo nung sannüker Rev. L. Tarep-i sannükba mapa nungi anisüngzükba atema January 10, 2016 nü pa den tepila sentong ka agi.
Rev. L. Tarep ya Longjang yimdak September 5, 1939 nü aso aser pa Impur High School nung azüng.
January 1, 1966 nungi pa par tasoyim Longjang nung pastor inyaktsü tenzük aser December 17, 1966 nü Wt. Talipokla Imchen den kibong aküm.
Rev. L. Tarep-i Longjang Baptist Arogo nung küm 27 tashi Pastor mapa inyak aser Khiamnuingan Baptist Churches Association (KBCA)-i nüngdakba agi Ao Baptist Arogo Mungdang (ABAM)-i pa küm 10 (1992 March nung March 17, 2002) tashi KBCA nung Executive Secretary ka ama inyaktsü mapa nungloktsü.
KBCA Executive Secretary mapa nungi anisüngzükba sülen pa tasoyimi meyipa arur tanaben May 10, 2002 nungi pastor inyaktsü tenzük aser tatemsa January 10, 2016 nü pa mapa nungi anisüngzükogo.
Iba anogo ya Rev. L. Tarep aser par kibong atema kanga dang tongtipang anogo ka liasü kechiyong Tsüngremer wadang nung inyaka arur küm 50 abensaba den külemi kibong kümer küm 50 abensaba mapang ka liasü.
Rev. L. Tarep aser kinungtsü na nem jabaso asem, jala ka aser semchir 10 moaja lir.
You must be logged in to post a comment Login