Rev. Maong Lemtur-i Lengrijan nung gari lenmang meshitettsü

Dimapur, May 21 (TYO) : Lengrijan nung colony lenmang yangluzükba sülen Honibarnep Lengrijan Tuesday bazaar nung lenmang meshitetba sentong ka ayongzüka agi.
Iba sentong nung DABA, Associate Pastor, Rev. Maong Lemtur-i gari lenmang meshiteta lapoktsü.
Lemjem mepu (Sector-6) nung alirtemi sen lakh 11.8 tenla agütsüba ajanga lenmang tasazük 28,700 sq. feet yangluogo.
Lengrijan Village Council nung züngsemtemi kanga bendanga agüja inyakba ajanga taoba ita ishika tsüngda parnoki kiyong nung terenlok mapa jenti inyakogo.
Tanü sentong nung Village Council-i tetenlar kija aser telok ajak dang pelaba metetdaktsü.