Rev. Puloktetba-i asangur ka den counselling agir

Rev. Polukba : Asangur, na ama temetetba tulu akaba nübo tajung saka taküm nung khrista maka. Kechiba yamai taküm lisa alir ya?
Asangur : Auja. Tesayur, nia Tsüngrem meteta liner sernung taküm nung tatsüitba tulu ka lir ….
Rev. Polukba : Oh, ni angatetogo. Tsüngremi taochi ya asen atema tetibo malir ako aser taküm melenshitsü atema mapang palaka kodanga marutsü ako. Mapang tajung alangzükang kechiyong anogotem tamajung lir ta lai nung ashir.
Asangur : Tesayur, nü sayu o angashia kanga pelar, saka taküm nung yimya süba-a aliba toktsütsü makoker aja.
Rev. Polukba : Asangur, aseni dang mulungteterbo takoktsü lir oko, nisungi meranger makoktsü kechi ali? Tanü nungi Yisu tenüng nung ni kü temenentem toktsür ta nangzükra tekümtetji angutsü.
Asangur : Nü dang mimshitsü masüji rakopka shidi. Temenen aika lia-ka ni metoktsütetba temji: Temesepba chiyongtsü chia ajemba, nüktabangta aser tenükmerem lir. Itemji toktsütsü makoker-aja.
Rev. Polukba : Asangur, item dang tuluba temenentem toktsür taküm melenshir jajar aika lir ako no… Asen taküm nung Yisu anioktsüji dang nüngdak.
Temulungtettsübaji nisunger mapa, tanüngbaji ajak Tsüngremi inyaktsü. Ni na atema sarasademtsüdi.
                                                      Lili : Mar Ozüküm. Dimapur