Revamped National Panchayat Awards atema training agütsü

Kohima, Rongjui/Sept. 02 (TYO): Revamped National Panchayat Awards for District Level Officials (TOTs) Indang training ka September 2, 2022 nü RD Conference Hall, Directorate of Rural Development nung agia liasü.

Iba sentong tenzüka jembiba mapang Commissioner & Secretary, RD, Neposo Theluo-i ashiba agi, Union Minister of Panchayati Raj ajanga December 2021 nung Expert Committee ajanga renemba Localization of Sustainable Development Goals (LSDGs) through Panchayati Raj institutions report sayaja liasü.

Committee ajanga iba report nung 2030 küm tashinung SDGs tongtettsü asoshi Local Gram Panchayat level nung inyaktsü atema 9 themes aggregating 17 SDGs jangjateta liasü, ta pai ashi.

Yimdak yimtsüngtem nung SDGs ajanga takok anguba dak sendakba nung Block, District, State aser National level nung tajungtiba panchayat tem shimteta tushia amshitsü aser senotsü teyari agütsütsü atema toktepdaktsütsü mechi ministry ajanga Panchayat awards ya yanglushi, ta metetdaktsü.

Item awards atema Nagaland nung Gram panchayat tem nungi shimtsü aser iba atema department ajanga sendaktepa aliba department nungi züngsem 9 agi akumba agaland Panchayati Awards Monitoring and Assessment Committee tentetogo, ta Theluo-i ashi.

Iba atema pai sendaktepa aliba department ajunga dang Panchayat Award Schemes nung temolung agütsütsü aser yimtsüng nung ketdangsür dang iba form timi fill up südaktsüba nung yariteptsü ayongzüka liasü.

Iba sentong nung Revamped National Panchayat Awards Indang Under Secretary, RD, Lithrila Sangtam ajanga rateta shia liasü.

Iba training nung shisalen sayur ya Principal ETC Phek (SIRD), Dr Kedise; Addl. Director, Health & Family Welfare, Dr Motsuthung Patton; Deputy Director, School Education, Avino Tase; S.E, PHED, Gwatilo Tep aser Assistant Director, Social Welfare, T. Neingusalie nungertem liasü.

Iba sentong nung menden Senior Lecturer (SIRD) Dr Juthsutho Phoji liasü aser Director, RD, Liboni Humtsoe-i tarur pela agizükba o jembia liasü.