RHPPT Children’s Home annual day amung

Dimapur, May 27 (TYO) : Dimapur kübok Grace colony, Lengrijan nung lapoka aliba RSON Heart for Poor People Trust (RHPPT) Children’s Home pur mezüngbuba annual day ayongzüka amung.
Iba sentong nung tongti tesemdangerji Commissioner of Police, Dimapur, Liremo Lotha, IPS liasü.
Tsüngrem tsüngdang asenok ajak kasa dang lir aser tanürtemi telemsa kecha melii shilem tajung agiba ngua pa ajungmesor, ta paisa shisem.
Liremo-isa Trust tenzüksang Dr. Roland nem tenüngsang agüja jembidang, loktiliba nung tangar memenepba tanurtem anepalua reprangtsü mulungtetbaji kanga tajung aser asen loktiliba nung Dr. Roland ama nisungtem nüngdaker, ta ashi.
Tongti tesemdangerisa tanü RHPPT website lapoktsü. Iba website ji www.rsontrust.wix.com/trust lir.