Ri Bhoi nung totzü abenba gari ka apok, nisung asem rongset

Shillong, March 14 (Agencies): Mongulbar anepdang 5:00 ako meta Mawpun Umroi Shillong Bye-pass anasa totzü abenba gari ka meküpoka mi adok aser iba gari nung mena alir nisung asemprong rongset.
Meghalaya nung truck densema iba ama lendong adalokba ya ita ka tsüngda nung pezüben ataloker.
“Iba lendong nung asür asem temang ya kanga mejungi rongsaba ajanga parnok mejangjateti lir. Temang ya ‘post-mortem’ agitsü asoshi yoktsü aser iba sülen parnok ya jangjatsü,” ta Ri Bhoi nung aliba police ajanga ashi.
Highway nung gari kanga karaa aniba ajanga longku nung gari meyiptsü mekoki lenmang tezülen aliba tongshi nung atsük aser mi adok, ta police osang ajanga metetdaktsü.