Rihanna-i taküm Brit Awards nung shilem agitsü

February 03, 2016: February 24, 2016 nü London, O2 Arena nung Brit Awards 2016 nung Rihanna-i shilem agia ken atentsü, aser iba ya densemabo lai iba sentong nung pezübenbuba shilem agir asütsü.

Lai tatemsabuba 2012 küm iba sentong nung shilem agia lir.

Rihanna-i mezüng 2008 küm Brit Awards nung shilem agidang ‘Umbrella’ ken tena liasü, iba sülen 2011 küm lai ‘Only Girl in The World’, ‘S&M’ aser ‘What’s My Name’ kentem ‘medley’ tena liasü.

Arishi küm 27 Rihanna-i Brit awards anaben ngua lir, aser International Female Solo Artist atema ponguben shima liasü.

2013 küm Coldplay telok den külemi shilem agiba ken ‘Princess of China’ British Single of the Year atema shima liasü.

The Sun osang ajanga ashiba agi, Rihanna-i yaküm shilem magiteti liasü aser takümbo iba awards sentong nung shilem agitsü lai jangrar.

“Taküm iba award sentong nungsa The Weeknd, Little Mix, Jess Glynne, James Bay, Coldplay, Justin Bieber aser Adele nungeria shilem agia ken atentsü” ta kasa osang ajanga ashi.

Taoba ita Rihanna-i la indang studio kensep 8buba ‘Anti’ sayaa liasü. Iba kensep nungi ‘Work’ ken tama sayaa liasü.