New Delhi, February 27 (Agencies): Osang ajanga ashiba agi, Noida nung amenoka aliba Ringing Bells company aser alima nung sen dalangtiba smartphone, ‘Freedom 251’ yangluri iba smartphone mezüngsüa jilia mangertem nem sen meyipa agütsüdar.
Parnoki ashiba agi, iba phone mezüng jilia mangar nisung 30,000 dang nungi parnoki sen agizükogo aser iba sülen parnok website raksa.
Ringing Bells nungi MD Mohit Goel-i smartphone mezüng jilia mangar parnok nisung 30,000 nem sen meyiptsüdar aser phone parnok ket tongtsüba sülen ang sen agitsü ta ashiba news channel, ABP osang ajanga metetdaktsü.
Reprangdang nung mezüng nisung 30,000-i iba phone mangadang company-i sen agiba sülen website raksa aser tanaben junga kümerbo shinga danga sen magi. Tanaben website junger külen Freedom 251 mangadang company-i phone number ka aser email ka amshia mangadaktsü. Phone mangaba mapa takok ngua temer külen customer temi agüja aliba email nung gondha 48 tsüngda sen agütsütsü asoshi temetettsü yoktsü ta parnoki website nung adoktsü, ajisüaka parnoki shinga dangia iba osang meyok.
“‘Freedom 251’ smartphone jilia manga alirtem dang nungi tang nungibo onoki oset tongtsüba sülen ang sen agitsü. Yamaji inyakba ajanga mangatettep kecha madoktsü aser timtem aika nungi kümzüktsü,” ta Ringing Bells Tir Ashok Chadha-i official sangdong ka ajanga metetdaktsüogo.
You must be logged in to post a comment Login