Rio 2016 Olympic : India nunger tetokteper rongnung Sakshi Malik-i mezüngbuba medal angu

Indiatsür melangteper Sakshi Malik-i 2016 Rio Olympic Game nung India nunger shilem agirtem rongnung mezüngbuba Bronze Medal August 18, 2016 nü agizükogo. Ibaji zünga India nungertemi Olympic asaya nung medal 25 buba-ang agizüker asütsü.
Taoba 2000 Sydney Games nunga lai weight lifting nung Bronze medal agizüka liasü, iba den külemi tsüngteper MC Mary Kom aser Badminton asayar Saina Nehwal nungertemi 2012 London Games nung Bronze medal angu.
Sakshi Malik, September 3, 1992 küm Rohtak, Haryana nung aso. La arishi küm 12 asüdang nungi Ishwar Dahiya ajanga Chotu Ram stadium nung melangteptsü angazüka liasü.
2010 Junior World Championships asayamung nung lai Kg 59 touzük asaya nung Bronze angu, 2014 Dave Schultz International Wrestling Tournament akadang Kg 60 touzük nung Gold Medal angu, 2014 küm-a Commonwealth Games, Glasgow nung akadang Silver angu, 2015 Senior Asian Wrestling Championships, Doha nung akadang Bronze angu aser 2016 Spanish Grand Prix  asayamung mapang Kg 60 touzük asayadang Bronze angu.