Rio aser Patton nati George Fernandes mang ayimer

Dimapur, January 29 (TYO): Taoba Union Minister aser parliamentarian tejen George Fernandes asüba osang angashia temulung raksar, ta Nagaland Chief Minister Neiphiu Rio aser Dy. Chief Minister Y. Patton nati sangdong balala nung metetdaktsü.
George Fernandes ya Trade Union lennir tajung ka lir aser pai teti sensakertem atema noktak. Pa ya tetangshi nisung ka liasü aser pai ketdangsüba Ministry ajak nung takok ngua inyak. Pai Ministries of Railways, Defence, Communications aser Industry nung shilem tajung agibatem teti bilemtettsü, ta CM Rio-i ashi.
Pa 1949 küm putir ka akümtsü atema training agiba nungi lokti lennir tajung ka akümba taküm otsüji nisung aikati majangtettsü. Pa ya Maharashtra nungi dang masü saka Bihar nungia takok anguba nüngtugu lennir ka lir. Asür George Fernandes’er kinungertem den asükhu lemsateper aser Tsüngremi parnok nem tashi agüjang ta sarasademtsür, ta Rio-isa metetdaktsü.
January 29, 2019 nü arishi küm 88 nung George Fernandes asüba atema temulung raksar, ta Y. Patton-ia sangdong ka nung ashi.
Pai taoba mapang ministry balala ketdangsüa inyak aser 1975 o 1977 tsüngda Emergency anema noktak aser 1976 küm tepuokdak ayu. Pai linük yangerba mapa nung shilem tulu agiogo aser pa asüba ajanga linük asoshi ongdang tulu ka adokogo, ta paisa ashi.
“Kü den Nagaland nungi BJP MLA tem ajaki asür Fernandes mang ayimer aser pa teti atema anisüngzük ngudakjang ta sarasademtsür” ta Y Patton-isa shisem.