Rio-i ANSCU Sports Meet lapoktsüogo

Dimapur, November 10 (TYO): Nagaland nungi Lok Sabha MP, Neiphiu Rio-i lapoktsüba sülen Dimapur kübok DC Court junction anasa, State Stadium nung Inter College Sports Meet cum Beat Contest 2016 tanü, Brehostibar nü tenzükogo.
“Saisapongtsü aser kententsü ya lanurtem den sentaktepba tongti mapatong lir aser iba ajanga kin kidong aser tamangba yimsü kecha tebendak meli nüburtem ka küma lungjemtsür,” ta tongti tesemdanger, Rio-i metetdaktsü.
“Saisapongtsü aser kententsü ya temang anema aser tazüokba nung alitsü atema tebendang kech meli lanur aser tain nisungtem napronglai nungdakba tongti shilem lir. Kaketshirtemi kaketshisatsü bushitsüren nung bendanga agütsüba den par tajungtiba agüja, tan tetoktepba nung shilem agitsü ajungshir,” ta pai shisem.
All Nagaland College Students’ Union (ANCSU)-i ayongba asayamong aser kententsü tetoktepba sentong nung ajak agi college 25 tashi shilem agiba osang angazükogo.