Rio-i Tokhu Emong salem lemsatep

Dimapur, November 05 (TYO): Lok Sabha MP aser NPF Tir, Neiphiu Rio-i Tokhu Emong benjungmong mapang nung Lotha nunger adianu aser aianutsürtem ajak den iba benjungmong salem lemsatepogo.
Iba benjungmong ya sobaliba yimya tajungtem benshia pelatepba mapang ka lir aser iba ya akhidang tsüraburtem mapang nungi monga aruba benjung lir, ta shia MP-i, iba benjungmong ya Tsüngremer talubo temoatsütem atema Tsüngrem nem tenüngsang agütsütsü aser asentenshitsü mapang, tesendaktep asentenshitsü mapang, tai tokteptsü aser taoba mapang dang salem shia Tsüngrem dang maneni temoatsü meshiba mapang ka lir, ta ashi.