Rio Olympics: Neymar Brazil squad nung densemogo

Paris, July 15 (Agencies): Taruba August ita 5 nü nungi tenzüka Brazil kübok Rio de Janeiro nung asayatsü ayongba 2016 Rio Olympics nung shilem agitsü asoshi shimteter Brazil’er football asayar tarensen nung Barcelona star, Neymar tenünga densemogo.
Neymar den külemi, Paris Saint Germain defender, Marquinhos; külem Barcelona asayar, Rafinha; Lazio midfielder, Felipe Anderson aser tawa nungtugu küma asayasang, Gabriel Barbosa nunger tenünga densemba osang angazükogo.
2012 London Olympics nung Brazil teloki final asaya nung Mexico telok mekokteti tanabuba jenjang ngua, silver medal agizüka liasü.