Rio Olympics: Neymar o Costa na Brazil Squad nung densemer

Rio de Janeiro, June 30 (Agencies): Taküm August ita 5 nü nungi tenzüka Brazil nung asayatsü ayongba Rio Olympics atema Brazil-i shimba football asayar 18 rong nung Barcelona forward, Neymar aser Bayern Munich winger, Douglas Costa na tenüng densemba osang ka Brazilian Football Confederation (CBF)-i metetdaktsüogo.
International Olympic Committee (IOC)-i telok shia nem agütsüba arishi küm 23 ser tema asayar 3 tashi shimsemtsü temeten amshia, Brazil’er Under-23 coach, Rogerio Micale-i Palmeiras goalkeeper, arishi küm 37 tain Fernando Prass-a shimsemba osang jangjaogo.
Olympic gold medal dak alaka, Brazil football teloki tanü tashi nung international football takokba ajak ajangzüka lir.
Micale-i aniba Brazil teloki par mezüngbuba Olympic Group asaya South Africa den Brasilia nung August ita 4 nü asayaba sülen Iraq den August 7 nü aser Denmark den August 10 nü asayatsü lemzüka lir.