Rio Olympics:Nadal-i par linük wako abentsü

Madrid, April 28 (Agencies): Taoaba mapang Grand Slam takok marok 14 tashi agizükba tennis asayar mongin, Rafael Nadal-i 2016 Rio Olympics lapokba sentong nung par Spain linük indang wako abentsü renemogo.
“Ni Rio Olympics asayamong lapokba sentong nung ozü Spain linük indang wako abentsü maongka anguba atema kanga pelar,” ta arishi küm 29 tain Nadal-i metetdaktsü.
Nadal-i Chile nunger Fernando Gonzalez madak final asaya koka 2008 küm Beijing nung ayongba Olympic gold medal agizüka liasü.
Ano külen, ozüng alema mozümora achiba tetendangbaren nungi kümzüktsü nükjidong nung Nadal-i meshirangaka alima dang shiranger ta metetdaktsü ta shia, pa aitsüba ken o nung ajemdaker, Nadal-i tesüiba France Sports Minister, Roselyne Bachelot anema tawa okadak ken o benokogo.