Rio Open: Rafael Nadal 2 buba round-i iogo

Rio de Janeiro, February 17 (Agencies): Spain nunger tennis asayar mongin, Rafael Nadal-i külem sensopur, Pablo Carreno madak takok ngua tang tasayadak Rio Open tennis asayamong 2 buba round-i Yashi, Mongolbar nü iogo.
Tzünglu aruba ajanga ghonda ka shi masayateti lir külen, Nadal-i points 6-1, 6-4 ngua Carreno 1 buba round asaya nung tsükdaktsü.
Spain nungersa, World No. 2, David Ferrer-ia points 6-3, 7-6 (3) ngua Chile nunger Nicolas Jarry 1 buba round nung tsükdakja 2 buba round-i aiba aser Austria nunger World No. 5, Dominic Thiem-i points 6-3, 6-4 agi Spain nunger Pablo Andujar madak takok ngua 2 buba round asayatsü jenjang anguba osanga jangjaogo.
Tetsür shilem nunga, Brazil tsür, Teliana Pereira-i points 6-3, 7-5 agi Croatia tsür, Petra Martic tsükdakja 2 buba round-i ai aser Sweden tsür, Johanna Larsson-ia points 7-5, 6-4 agi Spain tsür, Lourdes Dominguez Lino madak takok ngua 2 buba round asayatsü jenjang nguogo.