Rio tazüngba ken o Aug 12 nü angadangtsü

Kohima, Jul 14 (TYO): Tang temendak Lok Sabha MP Wb.Neiphiu Rio indang tazüngba degree dak aketba ken o August 12 nü angadangtsü asoshi anogo latetogo.
Osang ajanga angazükba agi, District & Session Court nungi  Chief Judicial Magistrate (CJM) Kohima court nung ken o angadangba ya ken anena alitsü asoshi order agütsüba sülen, iba ken o benoker Risemary Dzuvichu-i District & Session Court dang Rio atema okatsüri iba ken o ya CJM nung masü saka ‘neutral court’ ka nungang jembitsüla ta benoka aliba ken o langzütsü atema hopta asem meshi, anungji obendangeri kasa ken o ji August 12 nü angadangtsü anogo latettsü.
Tanü ken o angadangba mapang ya  District & Session court nung obendanger, Y. Maongkaba Imchen court nung angadanga liasü.