Rishang Keishing asüba atema CM TR Zeliang-i mangyimer

Kohima, August 23 (TYO): Taoba Manipur CM, Rishang Keishing asüba atema mangyimer, ta tanü Nagaland Chief Minister TR Zeliang-i sangdong ka ajanga ashi.
“India nung MP tejentiba rongnung ka aser taoba mapang Manipur Chief Minister, Rishang Keishing RIIMS Hospital Imphal, Manipur nung nikongdang 6:30 ako meta alima nungi pilaba osang angazüka mangyimer,” ta CM-i ashi.
“Asür Rising Keishing ya külem tenzüker ka, medemer ka aser adianu ka liasü, aser Indian National Congress Party nung lenir tain ka aser Manipur nungi Rajya Sabha züngsem ka liasü. Pa ya Northeast nungi lenir tajung aser yimtenren nung kanga tain ka ama ni züngshir,” ta CM-isa metetdaktsü.
“Kü den ozüng kibongi asür kibong züngsemtem den mangyim lemsateper aser iba ama mangyim mapang nung Tsüngremi parnok nem tesünep agüjang ta sarasademtsür. Asür tanela tesünep nung tatem makai anisüngzükdakjangma,” ta CM-isa ashi.