Rishi Kapoor arishi küm 64 jungogo

Mumbai, September 4, 2016 : Bollywood film actor tejen Rishi Kapoor, September 4, 2016 nü arishi küm 64 jungogo aser iba tepela anogo tulu nung par tembartem aser film industry nung külemi inyakertemi pa den temeim aser tasoba anogo tepela salem lemsatepogo.
Rishi Kapoor film industry-i aiter küm 40 shi shilem agia aruba mapang nüngtugu film “Mera Naam Joker”, “Bobby”, “Khel Khel Mein”, “Hum Kisise Kum Naheen”, “Karz” aser “Prem Rog” tem nung shilem agia lir.
Pai tesüsa “Kapoor & Sons” film nung shilem agia lir.
Pa den celebrity temi salem lemsatepa osang kar yamai agütsür:-
Amitabh Bachchan: Happy Birthday Chintu ji…Teti temeim aser tepela agi sünga liang…Chintu, anati film tajung kar nung shilem agiba bilemteter.
Farah Khan: Ni tanur asüdang kü mulungjang auyasang, Rishi dang Happy birthday ashir. Tangar shingaia ken nung nai amai shilem magitettsü.
Sajid Khan: Ni kanga sapua akhümtsübua alisang aser kü medemer Rishi Kapoor dang tasoba anogo tepela salem ashir.
Abhishek Bachchan: Ajak dang tesüngjemtiba meimchir, Rishi dang Happy Birthday ashir. Tanü anogo na asoshi tepela anogo ka südakjang.
Huma Qureshi: Happy birthday Rishi Kapoor Alima nung aliba tepela ajak nü meyong süang…Nai shilem agiba film shia agi nüburtem ajungmesor.
Riteish Deshmukh: Happy Birthday Rishi Kapoor sir…Nü dang nungi aika angazüktsü lir. Ni nü den külemi inyakshiba atema kanga pelar.
Kunal Kohli: Ni teti sapua alisang actor dang tasoba anogo tepela salem ashir.