Rishi Kapoor-i Pakistan nunger asayartem asoshi mepishitsü

Mumbai, April 5 (Agencies): Rishi Kapoor-i ashiba agi, Indian Premier League (IPL) Twenty20 asayamong nung Pakistan nunger asayartema asayatsü asoshi maongka agütsütsüla, kechiyong alima ajunga nungi cricket asayartem nem iba asayamong nung parnok sempet sayutsü asoshi maongka agütsür.
Arishi küm 64 tain actor-i IPL asayamong 10buba metenzük tsüngda ketdangsertem dang kidanger asayartem asadangtsü asoshi Twitter ajanga lemsatepa liasü.
“IPL nenoki alima nung asayartem anioka asayar. Afghanistan nungera taküm nungibo asayatsü. Pakistan nunger asayartema iba asayamong nung shilem agidaktsütsü asoshi bilemdangtsü asoshi ni mepishir,” ta Rishi-i tweet asü.
2017 IPL asayamong nung Afghanistan nunger crickit asayar Mohammad Nabi aser Rashid Khan na taküm mezüngbuba Sunrisers Hyderabad nungi asayatsü.