Rita Ora ‘The X Factor’ nungi anentsü

May 10, 2016 : Arishi küm 25 tain, Rita Ora ya yaküm ang ken tentepba sentong ‘The X Factor’ nung tetendanger asütsü shim, ajisüaka la film nung shilem agitsü aliba agi iba mapa nungi anener.
La iba mapa toktsütsü indang mapang talangka olulu ka amai jembia aru ajisüaka May 9, 2016 nü The Sun osangkaket nung ashibaji reprangdangra Britain nungi kentenla, Rita ya joko iba sentong nung tetendanger mapang nungi anener tasembuba asütsü ta shia lir.
Taruba ‘The X Factor’ sentong nungibo ano DJ Nick Grimshaw aser tetendanger Cheryl Fernandez-Versini naprong marutsü metetdaktsüogo.
Anungji tang tashi nung Simon Cowell kija anünger aser tan anenertem melena Robbie Williams aser One Direction nungi Louis Tomlinson na aitsü ama olulu kar anagshir.
Ora-i, “Ni yaküm The XFactor nung tetendanger ka ama aden aser ni iba telok kanga menungratsü,” ta twitter ajanga osang tejangja metetdaktsüogo.
Aruyaa aliba itatem nung la film kar nung shilem agitsü. La ya dang Fifty Shades of Grey film nung shilem agidar.