RJD tongti Lalu-i jabaso ana election nung toktepdaktsür

Patna, September 23 (Agencies): RJD tongti lenir Lalu Prasad-i par jabaso ana- Tej Pratap Yadav aser Tejaswi Yadav na taruba Bihar assembly election nung toktepdaktsütsü.
Bodhbar nü Bihar nung Janata Dal-United (JD-U), Rashtriya Janata Dal aser Congress teloktepi candidate tenüng 242 sangdongogo, aser iba tarensen nungji Lalu’er jabaso anaprong tenüng densema lir.
Jabaso tambusang arishi küm 27, Tej Pratap Yadav-i Mahua constituency nungi aser Tejaswi Yadav (25)-i Raghopur constituency nungi tokteptsü.
Vaishali district nung Mahua aser Raghopur naprong ya anasatepa aliba constituency lir aser Vaishali yabo RJD junga amenoka aliba constituency, ta züngshir.
Lalu Prasad aser pa kinüngtsü aser taoba state chief minister Rabri Devi napronglai 1995 küm nungi 2010 küm tashi nung Raghopur menden nungi aiben takok ngua aruogo.
Tejaswi Yadav ya cricket asayar ka nungi yimtenren nung ajemoker ka lir aser pa ya party nung kanga tongti ama züngshir. Tawa pa Congress tatong Tir Rahul Gandhi den election nüboyim sentong ka nung denogo.
Raghopor menden atema BJP-i tawa party nung adener Satish Kumar Yadav toktepdaktsütsü.
2010 küm Satish Yadav-i Rabri Devi madak vote tali 63,000 agi takok ngua liasü.
2014 Lok Sabha election nung Lalu’er jala tantsüla aser Doctor, Misa Bharti-i Patna nung Patliputra parliamentary menden nungi toktep, saka tamakok ngua liasü.

You must be logged in to post a comment Login