RKVY kübok Fishery Dept-i beneficiary ka nem Van agutsü

Kohima, Yimpoksüi/November 28 (TYO): November 26, 2018 nü Directorate nung Scheme-in-Charge, Neitho-o Kuotsu leniba nung ‘handing over programme’ tatsüka agiba sülen Rashtriya Krishi Vikas Yojana (RKVY) kübok Department of Fisheries and Aquatic Resources-i Dimapur District nungi Vishito Kinimi nem Refrigerated Van ka agutsüogo, ta tanü ketdangsertem osang ka ajanga metetdaktsü.
Onük jembidang Fisheries and Aquatic Resources Director, Kevisa Kense-i, ango metsühba aser iba dak sendakba maparen tenzüktsü atema ano Entrepreneurs aika ajungshitsü nüngdak, aser post harvest Infrastructure facilities tali nüngdak, koba ajanga local ngo ayokba market ajungkettsütsü, ta metetdaktsü.
Paisa, beneficiary-i iba facility (Refrigerated Van) ji tajungtiba nung amshitsü imlar, ta metetdakja liasü.