RMSA ajanga Ao tesayurtem shimtsüla

Dimapur, Feb. 09 (TYO) : RMSA sentong nung Ao tesayur 15 shimtsü anünga lir, anungji itemji tatidang agütsür alirtem rongnungi iba osang sangdongba anogo nungi zünga anogo tenet tsüngda shimtsüla ta Ao Senden aser AKM nati RMSA State Mission Director nem takangba ka agütsüogo.
Yaküm küm RMSA sentong ajanga Ao oshi sayutsü asoshi tesayurtem shimtsü asoshi temsüa alirtem jaoka tatidang agütsüdaktsü saka ishika dang shimba ajanga Aor lokti tentettemi iba anemaji ola adoka liasü.
Iba sülen RMSA State Mission Director-i anünga akaba mapatem asoshi ano ken osang sangdongba sülen tatidang agir shimdi ta metetdaktsü saka iba o ji magizük ta Ao Senden tir Wb.Imolemba Jamir aser AKM tir Wb.L.Jemti Longchar nati metetdaktsüogo.