RMSA candidate tem appointment nguogo

Kohima, May 03 (TYO): Nagaland Rashtriya Madhyamik Shiksha Abhiyan (RMSA) tatidang nung takok angur Phase 2 aser 3 candidate tem tanü appointment nguogo.
Dept. of School Education (DSE) kübok state RMSA-i candidate 111 nem appointment shidi agütsü.
2014 küm December 14 nü RMSA-i secondary tesayur 900 dak tema shimtsü atema advertisement sangdongba nung ajemdaker item candidate temi tatidang agüja liasü.
Written exam May 24, 2014 nü agi aser June 27, 2014 nü osang sangdongba sülen viva voce July 2015 nung agi aser November 30, 2015 nü tatidang osang sangdonga liasü.
Iba sülen Department-i candidate 600 dak tema nem appointment shidi agütsü saka tanüngba candidate 111 jagibo ketdangsertem dang nungi appointment shidi mongui liasü.
Appointment shidi menua manguba ajanga parnoki longkak aitba sülen tesüsa tanep parnok nem School Education Directorate nungi appointment shidi agütsüogo.