RN Ravi-i Civil Society tem den ajuruteptsü

Dimapur, July 3 (TYO): India sorkari Naga yimten olemtep atema shimba Interlocutor, RN Ravi-i July 6, 2017 nungi anogo ananü atema Nagaland semdangtsü.
Iba mapang pai Naga yimten tebilemtsü dak sendakba telok balala den ajurutepa sendentem amentsü.
Interlocutor, RN Ravi-i Kohima nung July 6, 2017 nikongdang nungi tasüngnep tashi aser Dimapur nung July 7 nikongdang nungi tasüngnep tashi Civil Societies den ajuruteptsü.
Pa den ajurutepnüba Civil Society temi +91 94360 05679 ajanga Secretary Home, Rovilatuo Mor den tongteprateptsü metetdaktsür. Iba sülen Home Department-i anogo, mapang aser tesentepdak indang osang metetdaktsütsü, ta tanü sangdong ka nung ashi.