RN Ravi-i Easter osang lemsateper

Dimapur, April 11 (TYO): Honibarnü Nagaland governor RN Ravi-i nübortem dang Easter Deobar kidang dang amongtsü atema mepishia metetdaktsüogo.
“Asenoki iba temeshi aser tepela anogo ya kidang dang pei kibong den benjungtepdi. Taküm asenoki yimya balaka nung asenoki asen kibong den dang iba benjung mongdi” ta Ravi-i Easter salem osang sangoktsü.
Taküm COVID-19 alima wara agi mokbanger Easter amonger. Iba wara ajanga linük ajunga shibangtsüsa tensa ka bentsür aruogo, ta paisa ashi.
Easter ya Kümtetdakba Yisu Khrista tasü nungi shia aruba bilemteta alima ajungalen amoger. Iba benjung ajanga asenok nem teimla tasen, tetenzük tasen ka agütsür, ta Nagaland Governor-isa ashi.
Yisu-i meimchir kanga meimba agi pa taküm bendanga agütsü aser pa tanaben shia aruba ajanga temeimi tesempa madak takok anguba kuli sayur. Iba benjung nung asenoki asen nübortem, linük sensotem aser meimchirtem sarasadem nung bilemtetdi. Easter tanülai takok angutsü aser asenoki Covid-19 madak takok angutsü” ta paisa metetdaktsü.