RN Ravi-i Meghalaya governor repsema inyaktsü

Guwahati, December 16 (Agencies): Meghalaya Governor Tathagata Roy-i sodi agiba sülen Nagaland Governor RN Ravi-i Meghalaya Governor repsema inyaktsü atema mapa lemzüktsüogo.
“Tathagata Roy-i sodi agiba mapang RN Ravi-i Meghalaya indang Governor mapa inyaka atatsü atema Tiri nungloktsür” ta Rashtrapati Bhavan sangdong ka nung metetdaktsü.
Governor Roy-i ashishitep aketba olen ka lemsatepba sülen Meghalaya nungertemi ola adokba mapang ka pai sodi agiogo.
Ano, State Cabinet-i ordinance ka agizükaka governor Roy-i ibaji magizükba ajanga chief minister Conrad Sangma den obang meputep adoka lir.
Chief minister Sangma-i anir teshimtet telok kati Union home minister Amit Shah den ajurutepa Roy nem bill agizüktsütsü atema Centre-i yariang ta mepishiogo.
Mongulbar anüngdang 12:00 ako nung Nagaland Governor R.N Ravi-i Raj Bhavan, Shillong nung tezüngzüktep agitsü.