RN Ravi Nagaland tongogo; Tanü tezüngzüktep agitsü

July 31, 2019 nü R.N Ravi-i Raj Bhavan, Kohima tonga arudang Chief Minister Neiphiu Rio-i Minister, Advisor aser tongti ketdangsertem tejak shiyudang agiba noksa angur. 

Dimapur, July 31 (Agencies): Naga peace talks atema Interlocutor R.N Ravi tanü RN Ravi tonga aruogo aser asüng pai Nagaland Governor inyaktsü atema tezüngzüktep agitsü.
Bodbarnü Raj Bhavan, Kohima nung R.N Ravi aser pa kibong pela agizükba snetong ka ayongzüka agi.
Iba sentong nung Chief Minister Neiphiu Rio, Dy. CM Y. Patton, DGP T.J Longkumer, Chief Secretary Temjen Toy, MLA tem aser ketdangsertem aden.
R.N Ravi tonga arudang Nagaland Police-i General Salute agütsü.
Tanü pa Dimapur airport tonga arudang Agriculture & Cooperation Minister G. Kaito Aye, PHE Minister Jacob Zhimomi, Commissioner of Nagaland M. Patton, Deputy Commissioner Dimapur Kevekha Kevin Zehol, Commissioner of Police Dimapur Limasunep Jamir aser tangartemi pela agizük.
Dimapur airport nung kin balala nungi nisungtemi pei pei sobaliba sübotsü agir R.N Ravi pela agizük.
August 1, 2019 nü Raj Bhavan, Kohima nung pai Nagaland nung Governor 19 buba inyaktsü atema tezüngzüktep agitsü.
Chief Justice (Acting) Guwahati High Court Arup Kumar Goswami-i tezüngzüktep agidaktsütsü.