Roadies nung Nikhil Chinapa-i Karan Kundra melentsü

Mumbai, February 21 (Agencies): Nüngtugu VJ Nikhil Chinapa-i taruba Roadies nung Karan Kundra melenogo. Iba melenzükba ya online video ka nung TV actor yagi tetokteper ka dak tejak nung amaba temai adokba sülen atalok.
Roadies nung shilem agitsü shimba sentong nung Karan tetokteper ana den opangmapu adokba sülen pai tenarong nung ka dak maoktsü. Tetokteper rongnung kati pai khen tenu tetsürla dak maoktsü ta ashiba sülen iba ya atalok. Karan melena Nikhil shimba ya iba tatalokba ajanga masü saka mapang mesütepba ajanga ta osang ka ajanga ashi.
“Roadies Rising nung Karan melena Nikhil shimba ya, tesem balala nung iba sentong tangoka senzütsü aliba, aser pa mapa balala den mapang mesütepba ajanga lir,” ta osangbenertem dang ashi.
“Karan par telpk den Los Angeles nung alidang, pai taküm Roadies nung tanga sentong aliba ajanga athitsüsa akümtsü ta ashi,” ta osang ajangasa shisem.
Nikhil shiba taoba mapang nunga iba sentong nung tetendanger ka liasü, pa taküm “Roadies” nung par telok lenir ka ama adentsü. Iba sentong nung Rannvijay Singha, Neha Dhupia, Prince Narula and off-spinner Harbhajan Singh.