Robert De Niro aser kinungtsü Hightower na balaogo

Yimpoksüi/November 21, 2018 (Agencies): Oscar-winning actor Robert De Niro aser kinungtsü na küm 20 dak tema lir balaogo, ta media osang ajanga Sangtennü metetdaktsü. Arishi küm 75 tain Robert De Niro aser arishi küm 63 tain Grace Hightower na mapang tatsüka balala lia liasü, ta Hollywood Reporter, celebrity website TMZ aser People magazine ajanga sangdongogo.
Kasa mapang nung De Niro indang otongdar dang iba ken o indang ashishiba nung kecha telangzüba magütsü.
Raging Bull actor aser Hightower na 1997 küm kibong aküm aser tena chir ana lir. Hightower den kibong maküm tsüngda De Niro khenbo kibong kümadoker liasü.
“Khen khenbo asenoki imlaba aser jangraba ama sentongtem mataloker,” ta par kibong den sendaktepa aliba osang ka ajanga People magazine dang ashi.
De Niro ya America nunger actor tem rongnung ajaki akhümtsübuba actor ka lir aser pai Oscar award dena nguogo. Pai par kibong aser jurila taküm tetei meimshia arudar.
Taoba ita mail ajanga pipe bomb tem yokba dak sendakba nung U.S. tir Donald Trump aitsür rongnung paa dena liasü aser iba ajanga osang kaket ajak nung pa tenüng adoka liasü. Mali nung yokba bomb tem ka dang mapok aser iba ken o dak sendakba nung Florida nungi nisung ka pua liasü.